Thursday, January 26, 2012

Teri kimat

Har pal choti ho rahi zindagi,
Kab tak soyega Ab Toh jag re..
Khushi khushi jee le har pal,
Pata nahi kab gam aaye re..

Do pal ki chotti si zindagi hai,
Saath saath ghumna phirna hai..
Phir pata naa tera naa mera hai,
Aaye hai sab kabhi toh jana hai..

Kya ladna jhagadna aapas mei,
Milkar rahe sab pyar se saath mei..
Jante hue bhi ek doosre ko,
Kyun rehte hai hum anjaan se?

Barsa barsa har taraf khushi barsa,
Na rahe phir gam kisi ke pass..
Har taraf ho bas hassi hi hassi,
Soch dukh bina hogi duniya kaisi..

Jism se judi hai jaise teri ruh,
Sabke dil se jud waise hi tuh..
Sab ko seekha jaa tu jina,
Reh naa paye koi phir tere bina..

Tu aur meri Zindagi

Dur reh kar bhi tu kareeb hai,
Bin tere ameer bhi gareeb hai.
Sabko bas ek teri hi chahat hai,
Mil jaye tu toh rahat hi rahat hai..

Bhaag rahi hai duniya tere peeche,
Kaisi maya teri jo sab aaye kheeche.
Khilta hi tujhse har chaman hai,
Karte tujhe sab kar jod naman hai..

Har pal sabko bas tera hi dhyan hai,
Bin tere saara jahan bejaan hai..
Tujhse hi duniya hamari khushal hai,
Bin tere toh yeh bhi barbaad hai..

Tujhse hi sansein hamari judi hai,
Bin tere dhoop bhi andhakar hai..
Pane ka tujhko har pal jatan hai,
Bin tere lagta nahi ab mann hai..

Jud gaya tujhse kaisa nata hai,
Bin tere jiya mujhse nahi jata hai..
Teri khushi hi ab meri khushi hai,
Bin tere duniya mujhse Ruthi hai..

Pana aur Khona

Kuch pana hai toh kuch khona hai,
Is kamini zindagi bas yahi ek rona hai.
Har koi is dil ko tod deta hai,
Mano dil mera mati ka khilona hai..

Dil hai mera par preet parayi hai,
Dil ki deemag se yahi ladayi hai.
Dil toh bas dhoka hi pata hai,
Aur phas bechara Deemag jata hai..

Kiski sunne aur kiski nahi,
Yeh baat samajh mujhe aati nahi.
Dil kahin ab lagta hai nahi,
Aur deemag ki batti bhi aajkal jalti nahi..

Yaad uski dil se jati nahi,
Deemag use apna manta nahi.
Dil karta hai janu ka bar bar wahi,
Aur Deemag bolta hai jaa doob mar kahin..

Naa jaane kya bala hai yeh,
Mil jaye toh Madhubala hai yeh..
Nahi toh phir MadhuShala hai yeh,
Bachke raho yaaron laillaj bimari hai yeh..