Khwab hai ya koi haqeeqat

Khwab kuch andekhe se hi reh gaye,
Aur kuch in aankhon mei hi kho gaye.
Takraye kahin aur chur chur ho gaye,
Kya se kya hokar sapne reh gaye..

Ab toh bas kuch daud lagi hai,
Par manjil kya pata nahi hai.
Bina lakshya ke hi chal rahe hai,
Zindagi ko apni talaash rahe hai..

Chin gayi sab khushiyan choti choti,
Nahi dil dukhati ab aankhen roti.
Bas chahat hai ek pal khushi pane ki,
Muskarane ko jarurat hai bahane ki..

Kuch achcha lagta nahi hai aaj,
Phir kyun aise jeene par naaj.
Duniya ka yeh bhi ek rang hai,
Ab khud se khud ki hi jung hai..