Mera jeevan kuch kaam naa aaya

Aaj phir likhne ka socha hai,
par aaj kuch kehne ko nahi hai.
Socho toh karne ko bhi nahi hai,
aur naa hi kuch karane ko hai..

Naa koi lakshya hai apne yahan,
naa koi manzil dikhti hai jahan.
Bas chale jaa rahe hai idhar udhar,
naa disha hai naa raasta hai jahan..

Naa deemag lagta hai ab,
Naa mann mei shanti hai.
Bahar sab chup chup hai,
par dil mei mere kranti hai..

Samajh nahi aata kya kare ab,
Kaise yeh jeevan aage badhe ab.
Naa neend aati hai ab toh,
Naa sapne aate hai yahan ab..

Kehna hai aaj tumse yeh pehli baar

Sometimes we do want to say lot of things to someone special in our life but then we never get a chance. But then its necessary to express yourself. Here is what I want to say you


Kehne ke liye bahut kuch hai tumse,
nahi pata kabhi ab tumhe bol payenge.
Socha tha milenge tab kahenge tumse,
Nahi pata kabhi par ab mil payenge..

Nahi kehta mei asmaa jhukha dunga,
Chand taare kadmo mei biccha dunga.
Nahi kehta mei palko par rakhunga,
Duniya ko har khushi mei tujhe dunga..

Wada karte hai hum saath dene ka,
Nahi chodenge hum kabhi tumhe akela.
Hamare dil mei dhadkan hogi tumhari,
hamari jaan tumhari saanso se hogi.

Koi ho naa koi hum honge hamesha,
har faisle khushi mei aapke picche.
Koi aaye naa aaye hum aayenge hamesha,
har musibat gam mei thamne aapko aage..

Haq hoga teri muskan ka meri khushi par,
Tere har khwab ka meri manzil par.
Haq hoga tumhare dard ka mere dil par,
tere har aansuo ka meri aankhon par..

Kehne ko bahut kuch hai tumse,
Naa jaane kya chahta hai rab humse.
Karte hai hum bahut pyar tumse,
Ho gaye hai deewane dekha tumko jasbe..

Tum aaye jeevan mei toh hua ehsaas,
ho jaate log kuch zindagi mei khaas.
Saaja liye humne bhi kuch aise sapne,
jo ho naa saake kabhi tere mere apne..