Mera jeevan kuch kaam naa aaya

Aaj phir likhne ka socha hai,
par aaj kuch kehne ko nahi hai.
Socho toh karne ko bhi nahi hai,
aur naa hi kuch karane ko hai..

Naa koi lakshya hai apne yahan,
naa koi manzil dikhti hai jahan.
Bas chale jaa rahe hai idhar udhar,
naa disha hai naa raasta hai jahan..

Naa deemag lagta hai ab,
Naa mann mei shanti hai.
Bahar sab chup chup hai,
par dil mei mere kranti hai..

Samajh nahi aata kya kare ab,
Kaise yeh jeevan aage badhe ab.
Naa neend aati hai ab toh,
Naa sapne aate hai yahan ab..